Azərbaycan XİN Əlcəzairə başsağlığı verib
Azərbaycanın Xarici İşlər Nazirliyi Əlcəzairdəki meşə yanğınları nəticəsində ölənlərlə bağlı bu ölkəyə başsağlığı verib.
Başsağlığı mətni XİN-in tvitter səhifəsində yayılıb.
“Əlcəzairdəki meşə yanğınları xəbəri bizi dərindən üzdü. Hadisə nəticəsində dünyasını dəyişənlərin ailələrinə dərin hüznlə başsağlığı veririk, yaralıların tezliklə sağalmasını diləyirik. Bu çətin günlərdə dualarımız dost Əlcəzair xalqı ilədir”, - başsağlığında bildirilib.
