Türkiyədə koronavirusdan rekord sayda ölüm qeydə alınıb
Türkiyədə bu il mayın 6-dan bəri yeni növ koronavirusdan rekord sayda ölüm qeydə alınıb.
Bu barədə məlumatı Türkiyənin Səhiyyə Nazirliyi yayıb.
Belə ki, sutka ərzində xəstəlikdən 290 nəfər dünyasını dəyişib. Pandemiya başlayandan ölkədə ən çox ölüm aprelin 30-da olub (394 nəfər).
Ölkədə koronavirus infeksiyasının müəyyən edilməsi ilə əlaqədar 302 869 nəfər test edilib, 23 946 yeni yoluxma halı qeydə alınıb.
Qeyd edilib ki, ötən gün koronavirusdan 15 164 nəfər sağalıb.
