Baydenlə Cinpin arasında görüş 3 saatdan çox davam edib
ABŞ və Çin Prezidentləri Co Baydenlə Si Cinpin arasında videokonfrans formatında görüş keçirilib.
“Qafqazinfo” “TASS”a istinadən xəbər verir ki, liderlərin görüşü təqribən 3 saat yarım davam edib. Görüş arada 15 dəqiqə fasilə ilə baş tutub.
Bayden və Cinpin iki ölkə arasında münasibətlərin strateji və fundamental məsələlərini müzakirə ediblər.
Bu, Baydenin 2021-ci ilin yanvarında ABŞ Prezidenti vəzifəsinə gəlməsindən sonra iki lider arasında keçirilən ilk görüşdür.
