Qarabağ Dirçəliş Fondunun gələcək strategiyası hazırlanır
![](/uploads/posts/2021-12/1638529265_thumb.jpg)
"Hazırda Qarabağ Dirçəliş Fondunun gələcək strategiyasının hazırlanması üzərində iş gedir".
Bunu Fondun İdarə heyətinin sədri Rəhman Hacıyev UNEC İqtisadi Forumu çərçivəsində keçirilən "Qarabağa böyük qayıdış: Dayanıqlı məskunlaşma və iqtisadi reinteqrasiya" adlı paneldə çıxışı zamanı deyib.
Fond sədrinin sözlərinə görə, strategiya yaxın günlərdə Müşahidə Şurasının müzakirəsinə çıxarılacaq.
O bildirib ki, Qarabağa böyük qayıdış dayanıqlı olmalıdır: "Azərbaycanın gələcəyi dayanıqlı gələcəkdir. Böyük qayıdış dayanıqlı məskunlaşmadan, iqtisadi reinteqrasiyadan asılıdır. Bütün bu prinsiplərin əsasında dayanıqlılıq durur. Dayanıqlılıq da birbaşa insan kapitalı, ətraf mühit və düzgün idarəçilik prinsipi ilə əlaqəlidir".