Vətəndaşla kobud rəftar edən polis mayoru işdən qovuldu
Vətəndaşa qarşı kobud rəftar edən polis mayoru İlkin Süleymanov vəzifəsindən azad olunub.
Bununla bağlı Daxili İşlər Naziri Vilayət Eyvazov əmr imzalayıb.
Əmrə əsasən, Binəqədi Rayon Polis İdarəsinin 4-cü Polis Şöbəsinin əməliyyat müvəkkili İlkin Süleymanov daxili işlər orqanlarından xaric edilib.
Qeyd edək ki, İ. Süleymanov bundan əvvəl Gəncə Beynəlxalq Hava Limanında Xətt Rayon Polis Şöbəsinin rəisi olub. O, bir neçə ay əvvəl Binəqədi Rayon Polis İdarəsinin 4-cü Polis Şöbəsinə təyinat almışdı.
