Avropa Məhkəməsi qərar verdi: Ermənistan Paşinyanın hüquqlarını pozub
Avropa İnsan Haqları Məhkəməsi “Paşinyan Ermənistana qarşı” başlıqlı iş üzrə kommunikasiyaları tamamlayıb.
Bizim.Media xəbər verir ki, iş üzrə ərizəçi keçmiş jurnalist və müxalif “Aykakan Jamanak” qəzetinin baş redaktoru, Ermənistanın hazırkı baş naziri Nikol Paşinyandır. Yanvarın 18-də Strasburq məhkəməsi qərarını elan edəcək. İlkin məlumata görə, Avropa Məhkəməsi 2008-ci ilin fevralında Ermənistanın baş nazirinin hüquqlarının pozulmasını tanıyıb.
Nikol Paşinyanın maraqlarını məhkəmədə İrəvanda fəaliyyət göstərən vəkil V.Qriqoryan təmsil edib. Paşinyanın Avropa Məhkəməsinə şikayəti 2008-ci il fevralın 19-da keçiriləcək prezident seçkiləri ərəfəsində baş vermiş hadisələrlə bağlıdır.
