Ceyhun Bayramov: “Azərbaycan BMT-nin səmərəli fəaliyyətinin tərəfdarıdır”
“Azərbaycan BMT-nin səmərəli fəaliyyətinin tərəfdarıdır. Ölkə BMT Nizamnaməsinin prinsiplərinə, BMT orqanları, o cümlədən İnsan Hüquqları üzrə Ali Komissarlıq İdarəsi, digər hüquq müdafiəsi mexanizmləri ilə qarşılıqlı dialoqa və hörmətə əsaslanan əməkdaşlığa sadiqdir”.
Bunu Azərbaycanın xarici işlər naziri Ceyhun Bayramov BMT-nin İnsan Hüquqları Şurasının 49-cu iclasında videoformatda çıxışı zamanı deyib.
O xatırladıb ki, bu il Azərbaycanın BMT-yə üzv olmasının 30 ili tamam olur.
Nazir əlavə edib ki, Azərbaycan etibarlı və məsuliyyətli qlobal qurum kimi BMT-nin İnsan Hüquqları Şurasına dəstəyini davam etdirir.
