Paşinyan Rusiyada səfərdədir
Ermənistanın Baş naziri Nikol Paşinyanın Rusiyaya iki günlük səfəri başlayıb.
Bu barədə məlumatı “Armenpress” agentliyi yayıb.
Paşinyanı Rusiyaya səfərində Baş nazirin müavini Mqer Qriqoryan, Təhlükəsizlik Şurasının katibi Armen Qriqoryan, XİN rəhbəri Ararat Mirzoyan, təhsil, elm, idman və mədəniyyət naziri Vaqram Dumanyan və digər məmurlar müşayiət edir.
Xatırladaq ki, Paşinyan səfər çərçivəsində ilk olaraq Rusiya Prezidenti Vladimir Putin və rusiyalı həmkarı Mixail Mişustin ilə danışıqlar aparacaq.
Bununla yanaşı, Paşinyan Rusiya Dövlət Dumasının spikeri Vyaçeslav Volodin və Rusiya Federal Məclisi Federasiya Şurasının sədri Valentina Matviyenko ilə də görüşəcək.
Həmçinin Paşinyanın Nijni Novqorod şəhərinə səfər edəcəyi də planlaşdırılır.
