Gəlir vergisindən azadolmalar və güzəştlərin siyahısı genişləndirilir
Gəlir vergisindən azadolmalar və güzəştlərin siyahısı genişləndirilir.
Bununla bağlı Vergi Məcəlləsinə dəyişiklik layihəsi parlamentin bu gün keçirilən iclasında I oxunuşda müzakirəyə çıxarılıb.
Dəyişikliklə fiziki şəxslərin kütləvi təklif edilmiş və tənzimlənən bazarda ticarətə buraxılmış səhmlər və istiqrazlar üzrə əldə etdikləri dividentlər və faiz gəlirləri 2023-cü il fevralın 1-dən etibarən 5 il müddətinə gəlir vergisindən azad ediləcək.
Eyni zamanda, layihəyə görə hüquqi şəxslərin faiz gəlirlərinə vahid vergitutma mexanizmi tətbiq ediləcək.
Dəyişiklik layihəsi səsverməyə çıxarılaraq I oxunuşda qəbul edilib.
