Beyləqanda minik avtomobili ilə traktor toqquşub, sürücülərdən biri ölüb
![](/uploads/posts/2022-05/1653289341_ec170ff5-eb4f-4c4f-a4f8-651fcb119525_850.jpg)
Beyləqan rayonunda minik avtomobili ilə traktor toqquşub, ölən var.
Bu barədə AFN.az-a Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, mayın 22-də saat 20 radələrində rayonun 2-ci Aşıqlı kəndi ərazisində rayon sakinləri R.Allahverdiyevin idarə etdiyi “VAZ-21061” markalı avtomobillə İ.İmanovun idarə etdiyi “T-28” markalı traktor toqquşub.
Nəticədə R.Allahverdiyev və 2 sərnişini xəsarətlə xəstəxanaya yerləşdirilib, onlardan Rasim Fərzəliyev orada ölüb.
Beyləqan Rayon Polis Şöbəsində araşdırma aparılır.