"Qarabağ" - "Lex" oyununun biletləri satışa çıxarılıb
![](/uploads/posts/2022-06/1656319940_59adc69b-b144-38d9-9514-8fb3b61830a5_850.jpg)
"Qarabağ" Bakıda Polşa "Lex"inə qarşı keçirəcəyi UEFA Çempionlar Liqasının I təsnifat mərhələsinin cavab oyunu üçün biletləri satışa çıxarıb.
Qiymətlər sektorlara uyğun olaraq 5, 10, 20 və 50 manat təşkil edir.
Biletləri "Iticket.az"ın satış məntəqələrindən (11:00-dan 20:00-dək) və onlayn şəkildə, həmçinin, Ağdam təmsilçisinin Park Bulvardakı fan-şopundan (11:00-dan 20:00-dək), matçın baş tutacağı Tofiq Bəhramov adına Respublika stadionunun kassalarından əldə etmək olar. Mərkəzi arenanın kassalarında bilet satışı bu gün saat 15:00-da başlayacaq və və 20:00-dək davam edəcək.
Qeyd edək ki, iyulun 12-də oynanılacaq qarşılaşma saat 20:00-da başlayacaq. Komandalar arasında ilk görüş isə iyulun 5-də Poznanda keçiriləcək.