“İrəvan sülh üçün yaranmış fürsətdən yaxşı istifadə etməlidir”- Ərdoğan
“İrəvan regionda uzunmüddətli sülh üçün yaranmış fürsətdən yaxşı istifadə etməlidir”.
Bunu Türkiyə prezidenti Rəcəb Tayyib Ərdoğan parlamentin iclasında deyib.
“Anadolu” agentliyi xəbər verir ki, Ərdoğan Ermənistanın Baş naziri Nikol Paşinyanla görüşü də istisna etməyib.
“Ola bilsin ki, Paşinyanla Praqada görüşək”, – Ərdoğan bildirib.
Qeyd edək ki, Türkiyə prezidenti Paşinyanla Avropa Siyasi Birliyinin oktyabrın əvvəlində Praqada keçiriləcək sammitində görüşə bilər.
