Paytaxtda avtobusun iştirakı ilə 6 avtomobil toqquşub - VİDEO
Bakının Xətai rayonunda ağır yol qəzası baş verib.
BAKU.WS APA-ya istinadla xəbər verir ki, hadisə 8 Noyabr prospektində qeydə alınıb.
Belə ki, 1971-ci il təvəllüdlü Məmmədov Elmar Qəzənfər oğlu idarə etdiyi “Volga” markalı avtomobillə eyni istiqamətdə olan BakuBus MMC-yə məxsus sərnişin avtobusuna çırpılıb.
Daha sonra E.Məmmədovun idarəetməsindən çıxan “Volga” hərəkətdə olan “Mazda”, “BMW” və hərəkətsiz dayanan “Ravon” markalı maşınlarına çırpılaraq dayanıb.
Zərbənin təsirindən “Ravon” qarşısında hərəkətsiz vəziyyətdə dayanan “KIA” markalı avtomobilə çırpılıb.
Qəza nəticəsində “Volga”-nın sürücüsü E.Məmmədov və sərnişini xəsarət alaraq Kliniki Tibbi Mərkəzə yerləşdiriliblər.
Faktla bağlı Xətai Rayon Polis İdarəsinin əməkdaşları tərəfindən avtotexniki ekspertiza təyin edilib.
