WhatsApp-da silinmiş mesajları bərpa etmək olar: bunları etməklə...
WhatsApp meneceri Will Cathcart, tətbiqdə təsadüfən silinən mesajları geri qaytarmağa imkan verən yeni funksiya təqdim etdiklərini açıqlayıb.
Mesajlaşma proqramında göndərilən mesajlar iki fərqli yolla silinir. Onlardan biri mesajın söhbətdəki bütün kontaktlardan silinə biləcəyi “hamı üçün sil”; digəri isə "özüm üçün sil" funksiyasıdır ki, burada mesaj yalnız onu göndərən şəxsin ekranından silinə bilər. Bununla belə, əgər istifadəçilər “özüm üçün sil” funksiyası ilə mesajı təsadüfən siliblərsə, mesajın söhbətdəki digər insanlardan da silinməsini təmin etmək mümkün deyildi. Cathcart, bunu yeni xüsusiyyətlə təmin etdiklərini deyib. Belə ki, yeni funksiya ilə "özüm üçün sil" xüsusiyyəti ilə mesajı sildiyiniz zaman beş saniyə ərzində ekranda "geri al" seçimi görünəcək.
Bu düyməyə basıldıqda, geri qaytarılan mesaj, istəsəniz, daha sonra "hamı üçün" də silinə bilər.
Əgər mesaj "hamı üçün sil" funksiyası ilə silinibsə, hələ də həmin mesajı bərpa etmək mümkün deyil.
