Gürcüstan parlamentinin qarşısında yürüşə cəhd olub, saxlanılanlar var
Gürcüstan parlamentinin qarşısında "xarici agentlər" haqqında qanun layihəsinin qəbul edilməsinə etiraz olaraq yenidən minlərlə insan etiraza qalxıb, saxlanılanlar var.
"Report" "Sputinik Georgia"ya istinadən xəbər verir ki, polisin əmrinə tabe olmayan yürüş iştirakçıları arasında saxlanılanlar var.
Qeyd edilir ki, bu gün hüquq-mühafizə orqanları tərəfindən daha 10 etirazçı saxlanılıb.
Xatırladaq ki, martın 7-də keçirilən etirazlar zaman polislə qarşıdurmalar yaşanıb. Gürcüstan Daxili İşlər Nazirliyinin məlumatına görə, “xarici agentlər haqqında” qanunun qəbuluna etiraz edən 66 nəfər inzibati qaydada saxlanılıb.
