Oskar mükafatlı rejissor Piter Verner vəfat edib
![](/uploads/posts/2023-03/1679478292_piter.webp)
Oskar mükafatlı rejissor Piter Verner 76 yaşında vəfat edib.
"Deadline" saytında yer alan xəbərə görə, aortasının yırtılmasından sonra xəstəxanaya yerləşdirilən Verner ürəyində yaranan ağırlaşmalar səbəbindən dünyasını dəyişib.
Nyu-York əsilli rejissor 1971-ci ildə sənədli film istehsalı üzrə bakalavr və magistr dərəcələrini bitirdikdən sonra ilk filmi "Gizli və Axtarış"ı çəkdi. 1976-cı ildə "Buz Bölgəsində" adlı qısametrajlı filmi ilə Ən Yaxşı Qısa Film Oskarını qazanan Verner, uğurlu çəkilişləri ilə 4 dəfə Emmi mükafatına namizəd olub.
Verner, Bryus Uillisin rol aldığı "Moonlighting" başda olmaqla "Proof", "Bull", "Grimm", "Outsiders" və "Ice" kimi televiziya serialları ilə tanınırdı. Məşhur rejissor eyni zamanda ABŞ-ın 36-cı prezidenti Lindon Beyns Consonun həyatından bəhs edən "LBJ: The Early Years" və digər bir çox televiziya filmlərinə də rejissorluq edib.