Google Chrome səbəbiylə batareyası bitən və yaddaşı tükənənlər üçün şad xəbər
Google Chrome səbəbiylə batareyası bitmiş və yaddaşı kilidlənənlər üçün enerjiyə və yaddaşa qənaət rejimləri açıqlanıb.
Laptopunuzun batareya və yaddaş istifadəsinə baxdığınız zaman yuxarıda Google-un internet brauzeri Chrome-u görəcəksiniz. Bu vəziyyətdən çıxış yolu tapan Google Chrome-un son versiyasında enerjiyə qənaət və yaddaşa qənaət rejimlərini təqdim edilib. Bu xüsusiyyətlə batareya və RAM-da səmərəlilik artırıla bilər.
Bəs siz bunu necə edəcəksiniz?
Google-un açıqlamasına görə, Chrome yaddaş qoruyucu ilə yüzdə 30 daha az yaddaş istifadə edir.
Yaddaşa qənaət rejimi noutbukda çoxlu nişanlardan istifadə edən insanlar üçün faydalı ola bilər. O, işlədiyiniz aktiv tab üçün yaddaşı boş saxlayır, eyni zamanda qeyri-aktiv tab üçün yaddaş istifadəsini minimuma endirir. Aktiv olmayan tab sizə lazım olduqda yenidən yüklənir.
Yaddaşa qənaət rejimini aktivləşdirmək üçün Chrome-un yuxarı sağ küncündəki üç nöqtəli menyuya toxunun. Daha sonra parametrləri seçin. Solda performans menyusunu açın. Aktivləşdirmək üçün yaddaş qənaətinin yanındakı keçidə toxunun. Yaddaş qənaətindən təsirlənmək istəmədiyiniz saytların siyahısını əlavə etməklə onları bu təcrübədən azad edə bilərsiniz.
Enerjiyə qənaət rejimi şarj cihazı yanınızda olmadıqda və ya elektrik kəsilməsi zamanı faydalıdır. Cihazınızın batareyası 20 faizə endikdə, Chrome batareya enerjisinə qənaət edərək, animasiya videoları olan vebsaytlar üçün fon fəaliyyətini və vizual effektləri sıfırlayır.
Siz kompüteriniz elektrik şəbəkəsindən çıxarıldıqda və ya batareyanın doldurulması 20 faizdən aşağı düşəndə funksiyanı aktivləşdirməyi seçə bilərsiniz.
Google bu xüsusiyyətlərin yaxın bir neçə həftə ərzində bütün dünyada Windows, macOS və ChromeOS üçün əlçatan olacağını açıqlayıb. Siz hələ brauzerinizdə bu iki funksiyanı görə bilməyəcəksiniz, lakin onlar tezliklə sizə çatacaq. Sadəcə Chrome-u yeniləməlisiniz.
Mənbə: HaberGlobal
