Qənirə Paşayeva şirkətlərə və imkanlı şəxslərə müraciət etdi
Millət vəkili Qənirə Paşayeva MM-də şirkətlərə, imkanlı şəxslərə YAŞAT Fonduna dəstəklə bağlı müraciət edib.
Komitə sədrinin çıxışını qısa ixtisarla təqdim edirik:
“Hörmətli xanım sədr,
Ötən gün qazilərimizlə görüşdüm və bir məsələ məlum oldu ki, YAŞAT Fondunda maliyyə çətinlikləri olduğu üçün bir sıra məsələlərə müsbət cavab verilmir.
Biz həmkarlarımızla birlikdə cəmiyyətimizə örnək olaraq, bu ay əməkhaqqımızın bir hissəsini YAŞAT Fonduna yatıraraq və ölkəmizdəki imkanlı şəxslərə çağırış edib, dəstək olaq. Bu dəstəyi gözləyən bir çox şəhid və qazi ailələri var ki, bir çox çətinliklərlə üzləşir".
