Pentaqon: Ukraynanın əks-hücumunun nəticəsini proqnozlaşdırmaq üçün tezdir
ABŞ və müttəfiqləri onları hərbi əməliyyatlara hazırlamaq üçün hər şeyi etsə də, Ukrayna qüvvələrinin mümkün əks-hücumunun nəticəsini proqnozlaşdırmaq hələ tezdir.
AFN.az xəbər verir ki, bunu CNN telekanalına müsahibəsində ABŞ Silahlı Qüvvələrinin Birləşmiş Qərargah Rəisləri Komitəsinin sədri, general Mark Milli deyib.
O, Ukrayna qüvvələrinin uğur qazanıb-qazanmayacağı sualına cavab verib. Bildirib ki, ukraynalılar yaxşı hazırlaşıblar. "ABŞ və Avropadakı müttəfiqlərimiz onlara dəstək olmaq üçün avadanlıq, təlim və kəşfiyyat təmin edib" - deyə Mark Milli qeyd edib.
