Rusiyanın 300 milyard dollardan çox aktivləri bütün dünyada dondurulmuş vəziyyətdədir
ABŞ konqresmenləri Baydenə ABŞ-da dondurulmuş Rusiya aktivlərini müsadirə etməyə imkan verən qanun layihəsi təqdim ediblər.
AFN.az-ın xarici mediaya istinadən məlumatına görə, senator Jim Rish bildirib ki, Rusiyanın dünya üzrə 300 milyard dollardan çox aktivi dondurulub. Bu barədə Senatın Xarici Əlaqələr Komitəsinin mətbuat xidməti məlumat yayıb.
Parlamentarilər bu aktivlərin Ukraynanın bərpasına verilməsini təklif edirlər.
Konqresmenlərin fikrincə, Ukraynanın bərpası üçün yüz milyardlarla dollar lazım olacaq.
