Zimbabve dolları dünyanın ən pis valyutasından ən yaxşı valyutasına çevrilib
Son bir ayda Zimbabve dolları ABŞ dollarına nisbətdə 41,8 faiz möhkəmlənərək, bahalaşma baxımından dünyanın ən yaxşı valyutasına çevrilib.
Bloomberg-in məlumatına görə, ondan sonra 13,3 faiz bahalaşan leone (Syerra Leonenin valyutası) və Alban leki (plus 9,5 faiz) gəlir.
İlin əvvəlindən müşahidə olunan məzənnənin çökməsi bir Afrika dövlətinin valyutasının özü üçün qeyri-adi yerdə qalmasına “kömək edib”. Qara bazarda 10.000 Zimbabve dolları bir ABŞ dollarına düşəndən və illik inflyasiya 175 faizə yüksəldikdən sonra yerli hakimiyyət valyuta bazarını liberallaşdırdı və vergi dəyişiklikləri tətbiq etdi.
Nəticədə, bu həftə ABŞ dolları artıq 4876 Zimbabve dollarına alına bilər. Zimbabve Respublika Bankirlər Assosiasiyasının prezidenti Lourens Nyazemanın fikrincə, bu, hətta çox yaxşıdır, çünki real dəyər haradasa beş min civarındadır.
Milli valyutanın görünməmiş dəyişkənliyi yerli biznesi ən azı bir neçə ay köhnə məzənnə ilə mal satmaq üçün gecikmə tələb etməsinə səbəb olub. Hökumət ikili kursla razılaşmaqdan imtina edib.
