Türk PUA-ları ABŞ mətbuatında
Türkiyə müdafiə sənayesinin fəxri olan PUA və SPUA-lar yenidən ABŞ mətbuatının gündəmini zəbt edib.
"American Business Insider" jurnalı Körfəz ölkələrinin Türk pilotsuz təyyarələrinə artan marağına diqqət çəkib və Bayraktar TB2-nin yüksəlişi ilə bağlı diqqətəlayiq bir analiz dərc edib.
Təhlil hesabatında Səudiyyə Ərəbistanı və Birləşmiş Ərəb Əmirliklərinin Türkiyə istehsalı olan PUA və SPUA-larla maraqlandığı vurğulanıb.
Qeyd olunub ki, Türkiyənin Yaxın Şərqdəki qonşuları ilə müdafiə sənayesi ticarəti artıb.
Prezident Ərdoğanın Ər-Riyad səfəri çərçivəsində rekord müqavilə imzalandığı xatırladılıb.
Xəbərdə Körfəz ölkələrinin daha əvvəl də Çin istehsalı olan dronlardan istifadə etdiyi paylaşılıb.
Ancaq Bayraktar TB2-nin sürətli yüksəlişinin Çin pilotsuz təyyarələrini də geridə qoyduğu bildirilib.
Körfəz ölkələrinin bir neçə il ərzində sürətlə türk pilotsuz təyyarələrinin ən böyük müştərisinə çevrildiyi vurğulanıb.
