Aqarunovun vurduğu düşmən tankı Hərbi Qənimətlər Parkında - FOTOLAR
Xəbər verdiyimiz kimi, 1992-ci ildə işğaldan sonra ermənilər tərəfindən Şuşa şəhərinin girişində “qələbə” simvolu kimi qoyulan tank abidəsi Bakıya gətirilib.
“Qafqazinfo”nun məlumatına görə, düşmənin tankı Hərbi Qənimətlər Parkına yerləşdirilib.
Tank 30 ildən sonra layiq olduğu yerə park edilib.
Qeyd edək ki, sözügedən tank Şuşaya girməyə cəhd edən ilk tank olub. Erməni Qaqik Avşaryanın idarə etdiyi 442 nömrəli tank ekipaj üzvü ilə birlikdə Azərbaycanın Milli Qəhrəmanı Albert Aqarunov tərəfindən məhv edilmişdi.
Birinci Qarabağ müharibəsindən sonra isə Avşaryanın yanmış T-72 tankı bərpa edilərək Şuşaya tuşlanmış vəziyyətdə abidə kimi quraşdırılmışdı.
