Almaniya Fələstinə maliyyə yardımını yenidən nəzərdən keçirəcək
Almaniya federal hökuməti Fələstinə maliyyə və humanitar yardım göstərmək qərarına yenidən baxmağı və ehtiyacı tanınarsa, onun həcmini müzakirə etməyi planlaşdırır.
Yerli media xəbər verir ki, bunu Almaniyanın iqtisadi əməkdaşlıq və inkişaf naziri Svenya Şulze bildirib. “Biz Fələstin ərazilərindəki insanlara verdiyimiz dəstəyin terrorçulara deyil, sülhə xidmət etməsini təmin etməyə çox diqqət yetiririk”, - Şulze deyib. Nazir əlavə edib ki, yoxlamaların ilkin nəticəsi Almaniyanın Fələstin ərazilərindəki layihələrinin regionda sülhə və İsrailin təhlükəsizliyinə necə töhfə verə biləcəyi barədə məlumat olmalıdır.
2022-ci ildə Almaniya Fələstinə humanitar yardım üçün 340 milyon avro ayırıb.
