Honq-Konqda “Koinu” tayfunu səbəbindən birjada ticarət dayandırılıb
Çinin Honq-Konq Xüsusi İnzibati Bölgəsində “Koinu” qasırğası səbəbindən ehtiyat tədbiri olaraq birja əməliyyatları müvəqqəti olaraq dayandırılıb.
Honq Konq Birjaları və Klirinq Korporasiyasının (HKEX) verdiyi açıqlamada, mənfi hava şəraiti ilə bağlı qaydalara uyğun olaraq, bu gün Honq Konq Birjasında gündüz sessiyasında birja və fyuçers ticarətinin dayandırıldığı bildirilib.
Xarici investorların Honq-Konq Fond Birjası vasitəsilə Çinin materik hissəsində satılan səhmləri ala biləcəyi "Stock Connect" əməliyyatlarının da tədbirdən təsirlənəcəyi qeyd edilib.
Honq-Konq Rəsədxanası bölgə sahillərinə yaxınlaşan tayfuna görə dünən “8-ci səviyyə” fövqəladə vəziyyət və “qara” tufan xəbərdarlığı verib.
Birjanın açılış saatına qədər davam edən xəbərdarlıqların səviyyəsi bu gün yerli vaxtla saat 11.40-da tayfunun intensivliyi azalaraq uzaqlaşmağa başladıqdan sonra "səviyyə 3" fövqəladə və "qırmızı" fırtına xəbərdarlığına endirilib.
Birjada hərracların günün ikinci yarısında davam edəcəyi gözlənilir.
