Xaçmazda ölümlə nəticələnən avtoqəza olub
Xaçmaz-Niyazoba avtomobil yolunda ölümlə nəticələnən avtoqəza baş verib.
"Report"un Şimal bürosunun məlumatına görə, Bakı şəhər sakini, 2002-ci il təvəllüdlü Balamirzəyev Ramil Həsən oğlu Xaçmaz rayonu ərazisində oğurladığı "VAZ-21014" markalı minik avtomobili ilə hərəkətdə olarkən yol kənarında dayanan "Mercedes" markalı nəqliyyat vastəsinə çırpılıb.
Qəza nəticəsində R.Balamirzəyev hadisə yerində ölüb.
Onun meyiti müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.
Faktla bağlı araşdırma aparılır.
