“Aztelekom" Şuşadakı abunəçilərinin sayını açıqlayıb
Rəqəmsal İnkişaf və Nəqliyyat Nazirliyinə məxsus “Aztelekom” MMC-nin Şuşa şəhərində 99 abunəçisi var.
Bunu jurnalistlərə açıqlamasında şirkətin Mətbuat xidmətinin rəhbəri Alidə Mustafayeva bildirib.
“Aztelekom” Şuşada ilkin olaraq 500 evdə GPON texnologiyasının tətbiqi üçün layihə hazırlayıb və şəbəkə quraşdırıb. Digər şəhər və rayonlarımızdan Şuşaya zəng etmək üçün 02626 kodundan istifadə etmək lazımdır. Beynəlxalq yığım kodu kimi isə +9942626 yığmaqla zəng etmək mümkündür", - deyə o qeyd edib.
