UFC rəhbəri Makqreqorun oktaqona qayıtma tarixini açıqlayıb
![](/uploads/posts/2023-11/1699697118_qreqor.jpg)
Ultimate Fighting Championship (UFC) prezidenti Dana White irlandiyalı qarışıq stil (MMA) döyüşçüsü Konor Makqreqorun oktaqona qayıtması tarixini açıqlayıb.
Bu barədə Daily Mail məlumat yayıb.
UFC rəhbəri bildirib ki, idmançı 2024-cü ilin yayında döyüşə qayıda bilər. O vurğulayıb ki, Makqreqor dopinq test hovuzuna düşmək üçün altı ay gözləməli olacaq.
Oktyabrda Makqreqor oktaqona qayıtmasının gözlənilən vaxtını açıqlayıb. O, 2024-cü ilin aprelində oktaqona qayıtmaq istədiyini bildirib.
Makqreqor son döyüşünü 2021-ci ilin yayında keçirib və amerikalı Dastin Puaryeyə texniki nokautla uduzub.