Qatil balina hücumlarına qarşı yeni müdafiə üsulu: Heavy metal
Avropanın cənub-qərbindəki dənizçilər qatil balinaların qayıqlara artan hücumlarının öhdəsindən gəlmək üçün sualtı dinamiklər vasitəsilə ağır metal mahnıları səsləndirirlər.
Avropanın cənub-qərbindəki dənizçilər bölgədəki qayıqlara artan qatil balina hücumları ilə mübarizə aparmaq üçün qeyri-ənənəvi taktikalardan istifadə edirlər. Bəziləri sualtı dinamiklər vasitəsilə yüksək səslə ağır metal mahnıları səsləndirərək qatil balinaların qarşısını ala bildiklərini söyləyir, bu üsulu "oyunu dəyişdirən" kimi təsvir edirlər.
Son illərdə bölgədəki dənizçilər misli görünməmiş sayda hücumlarla üzləşməli olublar. Bəzi hallarda dəniz orqanlarının bütün səylərinə baxmayaraq, qayıqlar çevrilir.
Qayıq operatorları problemin həllini tapmaq üçün onlayn forumlara və sosial media platformalarına müraciət etməli olublar ki, bu da alimləri çaşdırıb.
Bəziləri indi Facebook qruplarında, Telegram çatlarında və digər onlayn platformalarda seçilmiş thrash və ağır metal pleylistlərini paylaşdıqlarını söyləyiblər.
Paylaşılanlardan biri Spotify-da “Metal for Orcas” adlı pleylistdir. Siyahıya "The Blood of Power", "Infinite Terror", "Stretched and Devored" və "Exceptionally Sadistic" kimi ağır metal mahnıları daxildir.
Təxminən 60,000 üzvü olan "Orca Attack Reports" adlı Facebook qrupunda dəniz icmasından bəziləri orkalarla qarşılıqlı əlaqəni bölüşür və onların qarşısını almaq üçün fikir mübadiləsi aparır.
Lakin bəzi hallarda bu üsul da balıqçıları balinaların ovu etməkdən qorumur.
