ABŞ Rusiya və Çinə qarşı sualtı qayıqlara 200 milyard dollar xərcləyəcək
ABŞ Hərbi Dəniz Qüvvələri sualtı donanmasını genişləndirməyi planlaşdırır. Bu, Rusiya və Çinə qarşı əməliyyat əməliyyatlarının səviyyəsini yüksəltməyə kömək edəcək. Birləşmiş Ştatlar bunun üçün 200 milyard dollar xərc çəkməyə hazırlıaşır.
AFN.az xəbər verir ki, bu barədə "Newsweek" məlumat yayıb. Nəşrin yazısında deyilir: "ABŞ-ın hücum sualtı qüvvələri düşmən sualtı qayıqlarını və gəmilərini təqib etmək, rəqibləri dinləmək və xüsusi təyinatlıların əməliyyatlarını dəstəkləmək üçün mövcuddur".
ABŞ Hərbi Dəniz Qüvvələri eyni vaxtda hücum sualtı qayıqlarının demək olar ki, dörddə birini yerləşdirə bilir. Keçən il Ukraynadakı müharibəyə və Çinin yüksəlişinə baxmayaraq, ABŞ sualtı qayıqlarının yalnız 10%-i 30 gündən çox tam su altında qalıb.
Hərbi Dəniz Qüvvələrinin 200 milyard dollarlıq tikinti proqramı hücum sualtı qayıqlarının sayını 50-dən 66-ya çatdırmağı hədəfləyir. "Newsweek" qeyd edir ki, müasir sualtı qayıqlar o qədər təkmilləşib ki, Hərbi Dəniz Qüvvələrinin Rusiya və Çinə qarşı əməliyyatlarının səviyyəsini əhəmiyyətli dərəcədə artırmağın yeganə yolu daha çox sualtı qayıq yaratmaqdır.
ABŞ Hərbi Dəniz Qüvvələrinin sözçüsü Ceki Pou: "ABŞ sualtı qüvvələri dünyanın ən ölümcül və döyüş qabiliyyətinə malik olan, bütün planetdə fəaliyyət göstərən və operativ döyüşə hazırdır".
Xatırladaq ki, Pentaqon Tayvana illik 3 milyard dollar məbləğində hərbi yardım ayırmaq üçün ABŞ Konqresindən icazə istəyir. ABŞ müdafiə nazirinin müavini Colin Kahl deyib ki, Vaşinqton və tərəfdaşları Ukraynanın hərbi ehtiyaclarından xəbərdardır. İndi müdafiə yardımı üçün üç əsas prioritet var.
