Cənubi Koreya ABŞ-ın rəhbərlik etdiyi sualtı təlimlərdə iştirak edəcək
Cənubi Koreya Quam sahillərində ABŞ-ın rəhbərlik etdiyi çoxmillətli sualtı təlimlərində iştirak edəcək.
Yonhap-ın məlumatına görə, Cənubi Koreya Hərbi Dəniz Qüvvələrindən verilən açıqlamada donanmanın sualtı təhdidlərə qarşı imkanlarını artırmaq məqsədilə ABŞ-ın rəhbərlik etdiyi “Dəniz Əjdahası” təliminə qatılacağı bildirilib.
Açıqlamada Quam sahillərində keçiriləcək təlimə 40 Hərbi Dəniz Qüvvələri personalının və bir P-3 dəniz patrul təyyarəsinin təyin ediləcəyi qeyd edilib.
Hindistan, Avstraliya və Yaponiyanın da təlimə qatılacağı, təlimin əsgərlərə sualtı qayıqların aşkarlanması və izlənilməsi üçün təlim keçəcəyi və əldə edilən məlumatların iştirakçı ölkələrlə paylaşılacağı bildirilib.
Bəyanatda Cənubi Koreya əsgərlərinin Quamda 1950-1953-cü illər Koreya Müharibəsi veteranları abidəsini ziyarət edəcəyi də qeyd edilib.
