Filippin və ABŞ donanmaları Cənubi Luzonda sualtı qayıqlara qarşı döyüş təlimləri keçirib
Filippin və ABŞ donanmasının gəmilərinin Cənubi Luzonda davam edən "Samasama təlimi" çərçivəsində sualtı qayıqlara qarşı döyüş təlimləri həyata keçirdiyi bildirilib.
Filippin Xəbər Agentliyinin (PNA) məlumatına görə, Cənubi Luzon Dəniz Qüvvələrinin (NFSL) İctimai Əlaqələr İdarəsinin rəisi leytenant Kim Paulo Lopez bildirib ki, təlimin məqsədi donanma gəmilərinin sualtı qayıqlara qarşı döyüş qabiliyyətini artırmaqdır.
Lopez qeyd edib ki, Cənubi Luzonda keçirilən təlim dəniz qüvvələrinə sualtı qayıqlara qarşı döyüş taktikalarını tətbiq etməyə və inkişaf etdirməyə imkan verib.
Bölmələr arasında sensor və kommunikasiya sistemlərinin işlək vəziyyətdə olub-olmadığını müəyyən etmək üçün həyata keçirilən təlimlə "dəniz sahəsinin məlumatlandırılması" təliminin də tamamlandığı paylaşılıb.
ABŞ və Filippin donanmasının "Beynəlxalq müdafiə əməkdaşlığını gücləndirmək" məqsədi daşıyan "Samasama" adlı birgə hərbi təlimi oktyabrın 2-də başlayıb.
Təlim çərçivəsində Yaponiya Dəniz Özünümüdafiə Qüvvələri, Avstraliya Kral Donanması, Kanada Kral Donanması və Böyük Britaniya Kral Donanması ilə iş aparılacağı bildirilib.
Təlim oktyabrın 13-dək davam edəcək.
