Kamran Əliyev: Azərbaycanın həbs etdiyi erməni separatçılar barəsində istintaq davam edir
Azərbaycanın həbs etdiyi erməni separatçılar barəsində istintaq davam edir.
"Report"un məlumatına əsasən, bunu baş prokuror Kamran Əliyev jurnalistlərə açıqlamasında bildirib.
Onun sözlərinə görə, istintaq yekunlaşandan sonra Azərbaycan ictimaiyyətinə, xalqına ətraflı məlumatlar veriləcək.
Xatırladaq ki, Azərbaycanın hüquq-mühafizə orqanları Qarabağdakı keçmiş qondarma qurumun “prezidentləri” olmuş Arkadi Qukasyan, Bako Saakyan, Arayik Arutyunyan, sabiq “xarici işlər naziri” David Babayan, eləcə də “parlament sədri” David İşxanyan, generallar Lyova Mnatsakanyan, David Manukyan və keçmiş “dövlət naziri” Ruben Vardanyanı saxlayaraq Bakıya gətiriblər.
