Yaponiyanın xarici işlər naziri Ukraynaya səfər edib
Yaponiyanın xarici işlər naziri Yoko Kamikava Ukraynaya səfər edib.
TASS xəbər verir ki, bu barədə Yaponiya Xarici İşlər Nazirliyi məlumat yayıb.
Nazirin, xüsusən də Ukrayna Xarici İşlər Nazirliyinin rəhbəri Dmitri Kuleba ilə danışıqlar aparacağı bildirilir.
Hazırda məmur xaricdə səfərdədir və səfər zamanı o, bir sıra Avropa ölkələrinə, eləcə də ABŞ-a səfər etməlidir. Ukraynaya səfər barədə əvvəlcədən məlumat verilməyib.
Yaponiya həm birbaşa, həm də Dünya Bankı vasitəsilə Ukraynaya 4,5 milyard dollar yardım etməyə hazırlaşır.
