ABŞ-da ipoteka faizləri son iki ayın ən yüksək səviyyəsinə çatıb
ABŞ-da 30 illik ipoteka (ev krediti) üzrə orta faiz dərəcəsi 6,87 faizlə son iki ayın ən yüksək səviyyəsinə çatıb.
İpoteka Bankları Assosiasiyası (MBA) fevralın 9-da bitən həftənin ipoteka məlumatlarını açıqlayıb.
Buna görə, ipoteka müraciətləri keçən həftə bir əvvəlki həftəyə görə yüzdə 2,3 azalıb.
Bu dövrdə ev almaq üçün müraciətlər 3 faiz, yenidən maliyyələşdirmə müraciətləri isə 2 faiz azalıb.
Ölkədə 30 illik ipotekanın orta faiz dərəcəsi 6,80 faizdən 6,87 faizə yüksəlib. Həmin dövrdə 15 illik ipoteka üzrə orta faiz dərəcəsi 6,14 faizdən 6,30 faizə yüksəlib.
MBA vitse-prezidenti Joel Kan, məlumatları qiymətləndirməsində keçən həftə ipoteka faizlərindəki artım səbəbiylə müraciət fəaliyyətinin zəif olduğuna diqqət çəkib və 30 illik ipoteka krediti faizinin 2010-cu ilin əvvəlindən bəri ən yüksək səviyyəyə yüksəldiyini ifadə edib.
Yüksək faiz dərəcələri və hələ də aşağı olan ikinci əl mənzil fondu səbəbiylə alış müraciətlərinin zəif qaldığını bildirən Kan, yenidən maliyyələşdirmə müraciətlərinin durğun olsa da, əvvəlki ilə nisbətən daha çox olduğunu qeyd edib.
