Ukrayna Rusiya neftinin Macarıstan və Slovakiyaya daşınmasına bir şərtlə razıdır
Ukrayna Rusiyadan Macarıstan və Slovakiyaya neftin tranzitini davam etdirməyə hazırdır, lakin bir şərtlə.
AFN.az xəbər verir ki, bununla bağlı rəsmi Kiyev Avropa Komissiyası arasında gedən danışıqlarda bildirilib. "Əgər bu neft “Lukoyl”a aid deyilsə, tranzit davam edə bilər. Rəsmi Kiyevin mövqeyi belədir" - deyə AK rəhbərinin birinci müavini Valdis Dombrovskis qeyd edib.
“Ukraynanın baş naziri Denis Şmıqalla yaxşı danışıqlar aparıb, Rusiya neftinin “Lukoyl”a məxsus olmadığı təqdirdə Macarıstan və Slovakiyaya tranzitinə təsir etməyəcəyi barədə məlumat almışıq”, – Dombrovskis X hesabında yazıb.
