Almaniyanın Brandenburq şəhərində keçirilən seçkidə SPD qalib gəlib
Almaniyanın şərq əyalətlərindən biri olan Brandenburqda keçirilən əyalət şurası seçkilərində Sosial Demokrat Partiyası (SPD) 30,9 faiz səslə qalib gəlib.
Brandenburq əyalətinin seçki şurasının açıqladığı müvəqqəti rəsmi nəticələrə görə, SPD 30,9 faiz səs toplayaraq 1990-cı ildən bəri ardıcıl səkkizinci dəfə əyalət seçkilərində qalib gələn partiya olub. Bununla da SPD əvvəlki seçkilərlə müqayisədə səsini 4,7 bal artırıb.
Anketlərdə uzun müddətdir öndə olan ifrat sağçı Almaniya üçün Alternativ Partiyası (AfD) 29,2 faiz səslə ikinci partiya olub. AfD də 2019-cu il seçkiləri ilə müqayisədə səslərini 5,7 bal artırıb.
Əyalətdə ilk dəfə seçkilərə qatılan "Sahra Wagenknecht Alliance - Anlaşma və Ədalət naminə" (BSW) 13,5 faizlə üçüncü partiya olub.
Xristian Demokratik Birlik Partiyası (CDU) Brandenburq əyalətində keçirilən seçkilərdə 12,1 faizlə indiyə qədərki ən pis nəticəni əldə edib.
5 faizlik baryeri keçə bilməyən Yaşıllar, Sol Partiya, Azad Demokrat Partiyası (FDP) və Azad Seçicilər əyalət parlamentinə daxil ola biləcək birbaşa namizədləri qazana bilmədiklərinə görə parlamentdən kənarda qalıblar.
Bu nəticələrə görə 4 partiya əyalət parlamentinə daxil ola bilib.
Əyalətdə indiyə qədər qeydə alınan ən yüksək iştirak nisbəti 72,9 faiz olub.
Birləşmiş Millətlər Təşkilatının Baş Assambleyasına qatılmaq üçün ABŞ-a gedən Baş nazir Olaf Şolz seçkilərin nəticələri ilə bağlı jurnalistlərə verdiyi qısa açıqlamada "Əlbəttə ki, yaxşı. Qələbə qazanmağımız çox gözəldir. Nə isə baş verdiyini hiss etdim" deyib.
Mənbə: AA
