Bu meyvə xərçəngin qarşısını alır
Tünd üzümün bir çox faydalı xüsusiyyətləri var, o cümlədən xərçəngin qarşısının alınmasına kömək edir.
AFN.az xəbər verir ki, bunu rusiyalı diyetoloq, tibb elmləri doktoru Mariyat Muxina bildirib. O, “Moskva 24” telekanalında bədxassəli şişlərdən qoruyan giləmeyvə haqda danışıb. Bildirib ki, qırmızı üzüm ürək-damar problemlərinin qarşısını almağa kömək edə bilər, çünki onların tərkibində yüksək miqdarda resveratrol adlı maddə var: "Damar sağlamlığını, qan dövranını yaxşılaşdırır, ürəyi dəstəkləyir və xolesterinin səviyyəsini aşağı salır. Qara üzüm, tərkibindəki antosiyaninlərin yüksək olması səbəbindən xərçəngin qarşısının alınmasına kömək edir.
Həm qırmızı, həm də qara üzümdə çoxlu həll olunan və həll olunmayan lif var ki, bu da həzmi yaxşılaşdırır, qəbizliyin qarşısını alır və yaxşı peristaltikaya kömək edir. "Tənbəl" bağırsağa kömək etmək üçün gündə 200 qram (təxminən bir stəkan) üzüm yemək məsləhətdir".
Eyni zamanda həkim xəbərdarlıq edib ki, giləmeyvə həddindən artıq istehlak edilərsə, köp əmələ gələ bilər. “Üzüm qan şəkərini çox artırdığından, şəkərli diabetiniz varsa yeməmək daha yaxşıdır. Bundan əlavə, qastrit və mədə xorasının kəskinləşməsi ilə meyvələr selikli qişanı qıcıqlandıra bilər”, - deyə o, vurğulayıb.
