ABŞ-də Sahil Mühafizə helikopteri Alyaskada təlim uçuşu zamanı qəzaya uğrayıb
ABŞ Sahil Mühafizəsinə məxsus helikopter Alyaska ştatının Sitka şəhərində təlim uçuşu zamanı qəzaya uğrayıb.
AFN.az xəbər verir ki, helikopterdəki 4 nəfər qəzadan sağ qurtulub.
ABŞ Dəniz İnstitutunun (USNI) məlumatına görə, "MH-60 Jayhawk" modelli Sahil Mühafizə helikopteri Sitka Sahil Mühafizə Hava Bazasındakı təlim uçuşu zamanı yerə çırpılıb.
Sahil Mühafizəsi rəsmiləri tərəfindən verilən bəyanatda helikopterdəki 4 nəfərlik heyət üzvünün xilas edildiyi və yaxınlıqdakı xəstəxanaya çatdırıldığı bildirilib.
Açıqlamada hadisə ilə bağlı hər hansı bir can itkisinin qeydə alınmadığı, qəzanın səbəblərini müəyyənləşdirmək üçün rəsmi təhqiqatın aparılacağı qeyd olunub.
