İlham Əliyevlə Nikol Paşinyan arasında keçirilən görüş başa çatdı- AÇIQLAMA
Prezident İlham Əliyevlə Ermənistanın Baş naziri Nikol Paşinyan arasında Vyanada keçirilən təkbətək görüş başa çatıb.
Bu barədə Prezident Administrasiyasının şöbə müdiri Hikmət Hacıyev "Twitter" səhifəsində yazıb.
O bildirib ki, hazırda görüş Azərbaycanın xarici işlər naziri Elmar Məmmədyarov, Ermənistanın xarici işlər naziri Zöhrab Mnatsakanyan və ATƏT-in Minsk qrupu həmsədrlərinin iştirakı ilə davam etdirilir.
Xatırladaq ki, Ermənistan və Azərbaycan liderlərinin təkbətək görüşünün 1,5 saat davam etməsi haqda xəbər yayılıb.
Danışıqlara yenidən xarici işlər nazirləri və ATƏT-in Minsk Qrupunun həmsədrləri qatılıblar.
Görüşün detalları hələlik açıqlanmayıb.
[media=https://www.youtube.com/watch?v=bIioDIOb2Mg]
