Sumqayıtda eyni yol bir ildə 3 dəfə çökdü- FOTO
Sumqayıtda çökmə səbəbi ilə iki dəfə təmir edilən yol yenidən çöküb.
Oxu.Az-ın məlumatına görə, hadisə şəhərin “Dejurnu” adlanan ərazisində, Kamran Hüseynov küçəsində baş verib.
Yolun bir hissəsi yenidən çöküb. Həmin ərazi müvəqqəti olaraq daşla doldurulub və çökən hissənin ətrafı lentlənib.
Xatırladaq ki, bir neçə ay bundan qabaq həmin yol daha iki hissədən çökmüşdü.
