Bu məhsulun idxalı üçün gömrük rüsumu müəyyənləşdirildi
Azərbaycana idxal edilən firəngtoyuqlarının yağlı qaraciyəri üçün gömrük rüsumu müəyyən edilib.
Nazirlər Kabineti bununla bağlı "Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edib.
Dəyişikliyə əsasən, firəngtoyuqların yağlı qaraciyəri üçün gömrük dəyərinin 15 faizi həcmində idxal gömrük rüsumu alınacaq.
Qeyd edək ki, Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”nə əsasən, indiyə qədər firəngtoyuqların yağlı qaraciyəri istisna olmaqla, firəngtoyuqların qaraciyərlərinin idxalı üçün 15 faiz idxal gömrük rüsumu tətbiq olunub.
