Müslüm Maqomayevin həyat yoldaşı xəstəxanaya yerləşdirildi
Dünya şöhrətli müğənni və bəstəkar Müslüm Maqomayevin həyat yoldaşı, opera müğənnisi Tamara Sinyavskaya təcili xəstəxanaya yerləşdirilib.
Virtualaz.org yerli KİV-ə istinadən bildirir ki, hazırda 76 yaşlı müğənni kardiocərrahiyyə şöbəsində müayinədən keçirilir. Onun cərrahiyyə əməliyyatına alınıb-alınmayacağı müayinədən sonra bəlli olacaq.
Xatırladaq ki, Tamara Sinyavskaya keçmiş SSRİ-nin və Azərbaycanın Xalq artistidir. Rusiyanın "Şərəf" və IV dərəcəli "Vətənə xidmətlərinə görə" ordenləri ilə təltif olunub.
