Səbuhi Abbasovun namizədliyi qeydə alınıb
Tanınmış QHT sədri, internet-media ekspert Səbuhi Abbasovun namizədliyi 47 Saylı Mingəçevir Seçki dairəsində təsdiqlənib.
Bu barədə Səbuhi Abbasovun rəsmi profilində məlumat verilib. Məlumatı olduğu kimi təqdim edirik: "Əziz dostlar, dəyərli həmkarlar, dəyərli MİNGƏÇEVİRLİLƏR! Nəhayət, hər birinizin gözlədiyi o an yetişdi, namizədliyim rəsmən qeydə alındı. Bu işin əsas olmasa da, olduqca mühüm hissəsidir. Bu işdə əməyi olan hər kəsə, xüsusən qapı-qapı gəzdiyim aiələrə, imzalarını, məsləhətlərini verən dəyərli insanlarımıza təşəkkür edirəm. Var olun! Təbliğat, təşviqata aid bütün paylaşımlarımız 17 yanvardan etibarən başlayacaqdır. Bir neçə günlük sükutu qanunauyğunluq kimi nəzərə almağınızı xahiş edirəm. Geri sayım başladı...”
Saytımız Səbuhi Abbasov haqqında 10 ilə yaxın fəaliyyət göstərən rəsmi saytından (sabuhiabbasov.com) qısa məlumat əldə edib. Səbuhi Abbasov16 noyabr1985-ci ildə Mingəçevir anadan olmuşdur. 2003-cü ildə Mingəçevir şəhər liseyini bitirərək,Bakı Slavyan UniversitetininBeynəlxalq münasibətlər və regionşünaslıq fakültəsinə daxil olmuşdur. 2007-2009–cu illərdə Bakı Slavyan Universitetinin Magistratura şöbəsinin Regionşünaslıq ixtisasında təhsil almış və fərqlənmə diplomu ilə bitirmişdir.
Bakalavr pilləsində təhsil alarkən qrup rəhbəri, fakültə üzrə Tələbə Gənclər Təşkilatının sədri, fakültə üzrə Tələbə Həmkarların sədri vəzifələrini icra etmişdir. Universitetdə bir sıra konfransların, dəyirmi masaların və debatların təşkilatçısı olmuşdur. 2006-cı ildəAzərbaycan-Slavyan Gəncləri Assosiasiyasını (ASGA) təsis edərək200-dən artıq beynəlxalq və yerli layihələr həyata keçirmişdir.
Azərbaycan Respublikası Gənclər və İdman NazirliyininvəAzərbaycan Respublikası Təhsil Nazirliyinin"Fəxri Məzun 2007”diplomuna layiq görülmüşdür.
ASGAGənclər və İdman Nazirliyi tərəfindən 2017 və 2018-ci illərdə İLİN ƏN FƏAL GƏNCLƏR TƏŞKİLATI mükafatına layiq görülmüşdür. Bir çox xarici ölkələrdə (Avstriya, Macarıstan, Türkiyə, Rusiya, Ukrayna, Polşa, İngiltərə, Birləşmiş Ərəb Əmirliyi, Gürcüstan, Belarus və s.) keçirilən Beynəlxalq konfranslarda ölkəmizi təmsil etmişdir.
2008-2011-ci illərdə Bakı Slavyan Universiteti Analitik Təhlil Mərkəzinin elmi işçisi, Jurnalistika şöbəsinin müdiri vəzifələrini icra etmişdir. 2011-2012-ci illərdə Milli QHT-lər Forumunda icraçı direktor, 2012-2013-cü illərdə DSMF-nin regiona şöbəsində çalışmışdır. Hal-hazırdaAzərbaycan-Slavyan Gəncləri Assosiasiyası ictimai birliyinin sədri,THE SEVEN MEDIA GROUP-unbaş direktorudur.
2007-2012-ci illərdə BBC, CNN, TRT, RTR, ORT və bu kimi mühüm kanallarda təcrübə keçmişdir. S.Abbasov mütəmadi olaraq Avropa Şurası, Avropa Parlamenti, Avropa İttifaqı, Türk Şurası, Müstəqil Dövlətlər Birliyi konfranslarında, iclaslarında ictimai-siyasi ekspert kimi dövlətimizi təmsil edir. S.Abbasov, eyni zamanda, illərdir Mingəçevirin fərdi və kütləvi problemlərini ictimailəşdirən, müvafiq qurumlara çatdıran şəxs kimi də tanınır. Azərbaycan, türk, rus, ingilis və ukrayna dillərində danışır.
Ailəlidir, 3 övladı var. Atası Abbasov Mübariz Tovariş oğlu 1958-ci ildə anadan olmuşdur. Mingəçevir şəhərinin tikinti-quruculuq işlərinə yaxından iştirak etmişdir. 2015-ci ildə dünyasını dəyişib. Anası Abbasova Qətibə Sədr qızı 2014-cü ildə rəhmətə gedib.
www.asga.az
www.sabuhiabbasov.com
E-mail/ abbasov_sebuhi@yahoo.com
Facebook/ Sebuhi Mubarizoglu Abbasov
Twitter/ Sabuhi Abbasov
Linkedin/ Sabuhi Abbasov
