DGK deputatın şirkəti "Embawood"u məhkəməyə verdi
Dövlət Gömrük Komitəsi (DGK) "Embawood" MMC-nin inzibati qaydada cərimə edilməsi barədə protokol tərtib edib.
"Report” xəbər verir ki, İnzibati Xətalar Məcəlləsinin 483-cü (Xarici valyuta vəsaitlərinin xaricdən qaytarılmaması) maddəsinə əsasən tərtib edilmiş protokol baxılması üçün Sumqayıt Şəhər Məhkəməsainə göndərilib. İş hakim Rövşən Xəlilovun icraatındadır.
Qeyd edək ki, xarici iqtisadi fəaliyyətin həyata keçirilməsi nəticəsində əldə edilib və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmamasına görə inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə nəzərdə tutulub.
"Embawood" MMC mebel istehsalçısı olan şirkətdir. Şirkətin həmtəsisçilərindən biri millət vəkili Məşhur Məmmədov olub.
