ARDNF-ə son 19 ildə 160 mlrd. dollara yaxın vəsait daxil olub
Azərbaycan Respublikası Dövlət Neft Fonduna (ARDNF) 2001-2019-cu illər ərzində 159,4 mlrd. ABŞ dolları daxil olub.
Bu barədə AFN ARDNF-in 2019-cu il üzrə konsolidasiya edilmiş maliyyə hesabatlarına istinadən xəbər verir.
Hesabata əsasən, Fonda daxil olan vəsaitin təxminən 43,3 mlrd. dollar (27,2%) yığıma yönəldilib.
Qeyd edək ki, 2019-cu ilin nəticələrinə görə, ARDNF-in cəmi aktivləri 12,5% artaraq 74 311 156 min manata çatıb. Fondun cəmi öhdəlikləri isə 7,3% artaraq 1 088 816 min manat təşkil edib.
