Polad Həşimovun adı Həzi Aslanov küçəsinə verilib? - AÇIQLAMA
"Bu, səhv məlumatdır”.
Qaynarinfo xəbər verir ki, bunu İqtisadiyyat Nazirliyi yanında Əmlak Məsələləri üzrə Dövlət Xidmətinin mətbuat katibi Ceyhun Əsgərov Sovet İttifaqı Qəhrəmanı Həzi Aslanovun adını daşıyan küçənin guya şəhid general-mayor Polad Həşimovun adına verilməsi ilə bağlı yayılan məlumata aydınlıq gətirərkən deyib. Mətbuat xidmətinin rəhbəri bildirib ki, şəhid general-mayor Polad Həşimovun adı İsmayıl Bəy Qutqaşınlı küşəsinin bir hissəsinə verilib:
"Qəbələdə şəhid general-mayor Polad Həşimovun ikinci ən böyük küçəsinə adının verilməsi bir sıra KİV-lərdə yanlışlıqla işıqlandırılıb. Bir sıra KİV-lər məlumat yayıb ki, küçənin əvvəlki adı Həzi Aslanov olub. Bu səhv məlumatdır. Şəhid general-mayor Polad Həşimovun adı İsmayıl Bəy Qutqaşınlı küşəsinin bir hissəsinə verilib”.
Qeyd edək ki, mətbuatda şəhid general-mayor Polad Həşimovun adına verilən küçənin əvvəllər Sovet İttifaqı Qəhrəmanı general Həzi Aslanovun adına olması haqqında məlumat yaylılıb. Bu isə cəmiyyətdə narazılığa cəbəb olub.
