Gürcüstanda son sutkada 1 759 nəfər koronavirusa yoluxub
![](https://static.report.az/photo/e40028bc-f13f-34ab-95f8-c6351bd03f12_850.jpg)
Gürcüstanda son sutkada daha 1 759 nəfərdə koronavirus aşkarlanıb, 350 nəfər sağalıb, 5 pasiyent isə vəfat edib.
“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.
Bununla da qonşu ölkədə COVID-19-a ümumi yoluxma göstəricisi 24 562 nəfərə çatıb. Sağalanların sayı 9 751, vəfat edənlərin sayı isə 183 olub.
Hazırda karantində 4 408, stasionar nəzarətdə isə 3 155 nəfər saxlanılır. Xəstəliyi yüngül keçirən 1 848 nəfər xüsusi otellərdə müalicə alır.