İlham Əliyev: "Ermənistan rəhbərliyi 28 ildir beynəlxalq aləmi aldadırdı"
“ATƏT-in Minsk qrupunun yarandığı 1992-ci ildən bəri Ermənistan status-kvonun dəyişməz qalması üçün əlindən gələni edib. Status-kvonun saxlanması üçün edilən cəhdlər Ermənistan rəhbərliyinin danışıqlarda imitasiya etməsi ilə maskalanıb”.
AFN xəbər verir ki, bunu Azərbaycan Prezidenti İlham Əliyev MDB Dövlət Başçıları Şurasının videokonfrans formatında keçirilən iclasında deyib.
“Ermənistan rəhbərliyi mahiyyət etibarilə sadəcə bizi yox, beynəlxalq vasitəçiləri də aldadırdılar. İşğal olunmuş ərazilərdə aparılmış mühəndis-istehkam işlərini nəzərə alaraq Ermənistan işğal olunmuş ərazilərin bir santimetrini belə verməyə hazırlaşmırdı. Beləliklə, bütün 28 il ərzində yüksək vəzifəli şəxslərin simasında Ermənistan rəhbərliyi beynəlxalq aləmi aldadırdı”, - dövlət başçısı qeyd edib.
