Pakistanda kanatda qalanların hamısı xilas edilib
Pakistanın Hayber Paxtunxva əyalətinin Battaqram bölgəsində məktəbə gedərkən 14 saat kanatda qalmış 6-sı uşaq olmaqla 8 nəfərin hamısı xilas edilib.
CNN-in xəbərinə görə, Pakistandakı müvəqqəti hökumətin baş naziri Ənvarul Hak Kakar əvvəllər Twitter adlanan X sosial media platformasında açıqlama verib.
Kakar 14 saat kanatda sıxışan 8 nəfərin təhlükəsiz və müvəffəqiyyətlə xilas edildiyini bildirib.
Xilasetmə qrupunun yaydığı videoda teleferikdə sıxışan uşağın onları xilas etməyə gələn vertolyotdan asılmış məmurun qucağına ipin ucuna bağlanaraq tullanmasının görüntüləri var.
Yerli hakimiyyət müftisi Qulamullah, yerli vaxtla səhər saat 08:00 radələrində kanat vaqonunun iki kabelinin qırıldığını və 8 sərnişinin qapalı vəziyyətdə qaldığını bildirib.
Qulamullah bildirib ki, bölgədə yol və körpü olmadığından çaydan nəqliyyatı yerli əhali kanat yolu ilə təmin edir.
Bölgədəki müəllimlərdən Zəfər İqbal bildirib ki, uşaqların saatlarla kanatda ilişdiyi bölgədə nəqliyyat infrastrukturunun olmaması səbəbindən ən azı 150 şagird məktəbə getmək üçün kanatla təhlükəli səyahət edir.
Müvəqqəti hökumətin baş naziri Kakar istifadəyə yararsız və təhlükəsizlik standartlarına cavab verməyən bütün kanat yollarının dərhal bağlanması barədə göstəriş verib.
